استاناداعى №1 قالالىق اۋرۋحانادا ISIS IOM قۇرىلعىسى تانىستىرىلدى. وپەراتسيا كەزىندە نەۆرولوگيالىق اسقىنۋلاردى ازايتاتىن اپپارات قالالىق اۋرۋحانالاردىڭ اراسىندا تۇڭعىش رەت قولدانىلىپ وتىر.
نەيروفيزيولوگيالىق ينتراوپەراتسيالىق مونيتورينگ (ISIS IOM) كەز كەلگەن كۇردەلى وپەراتسيالاردى جاساۋ بارىسىندا, سونىڭ ىشىندە پاركينسون جانە ەپيلەپسيا اۋرۋىنا شالدىققان پاتسيەنتتەردى ەمدەۋدە قاۋىپسىزدىكتى قامتاماسىز ەتەدى.
«بۇل ءتاسىل ارقىلى وپەراتسيا وتە جىلدام جانە ءساتتى جاسالادى. جاراقاتى از. ەمدەلۋشى وپەراتسيادان كەيىن تەز قالپىنا كەلەدى, اۋرۋحانادا ءبىر كۇن جاتسا جەتكىلىكتى» دەدى نەيروحيرۋرگيا ءبولىمىنىڭ نەيروحيرۋرگ-دارىگەرى ايگەرىم ءجۇمادىلدينا.
بۇگىن جاڭا قۇرىلعىمەن 6 ناۋقاسقا وپەراتسيا جاساۋ جوسپارلانعان. اتالعان بولىم مەڭگەرۋشىسى فايزۋللا سماعۇلوۆتىڭ ايتۋىنشا, بۇل اپپاراتپەن راديوجيىلىك دەرمادەسترۋكتسيا جاساۋعا بولادى. ياعني ناركوز بەرۋگە بولمايتىن پاتسيەنتتەرگە وسى ادىسپەن وپەراتسيا جاسالادى.
مايگۇل سۇلتان,
«Egemen Qazaqstan»